Yamaha

Novél Sasalad Karya Dadan Sutisna Meunang Hadiah Sastera Rancagé 2021

  Selasa, 02 Februari 2021   Dudung Ridwan
Novel Sasalad. (istimewa)

BANDUNG, AYOPURWAKARTA.COM -- Novél Sasalad: Sempalan Épidemi di Tatar Garut, karya Dadan Sutisna, pedalan Penerbit Dunia Pustaka Jaya, 2020 kapilih ku Dewan Juri Sastra Rancagé  nu meunang Hadiah Sastera Rancagé 2021 vérsi Sastera Sunda.

Novél nu kandelna 324 kaca téh ngéléhkeun tilu nomine lainna--Bulan Sésa karya Imas Rohilah; Sagagang Simpé buku kumpulan 30 carpon Dédén Abdul Aziz; jeung Wawacan Putri Sekar Arum karya Cucu Suhartini.

Ceuk Dewan Juri Rancagé 2021, nu disiarkeun di Sawalamaya, Minggu (31/01/2020), buku nu kadata nu medal nepi ka bulan Desember 2020 kabéhna aya 23 judul buku basa Sunda. Tina  23 judul éta ngan 18 judul nu bisa miluan Hadiah Sastera Rancagé, nyaéta buku nu mangrupakeun kumpulan puisi, kumpukan carita pondok, prosa mini, novél, monolog, carita wayang, jeung wawacan.

Buku nu teu dinilai ku Dewan Juri, nyaéta eséi/kritik, citak ulang, jeung buku karya babarengan.

AYO BACA: Muncul Vaksin Valneva, Seberapa Efektif Lawan Covid-19?
AYO BACA: Makan Permen bakal Jadi Cara Baru Tes Covid-19?

Tah, opat nomine dicokot tina 18 éta. Ceuk Dewan Juri, dibandingkeun jeung data taun saméméhna, publikasi buku Sunda di taun 2020 sacara kuantitatif teu jauh. Jumlah buku nu medal di antara angka 20-an.

Ka-18 buku sastera Sunda nu dinilai ku Dewan Juri, nyaéta Buah Jarami karya Inta Sahrudin; Bulan Sésa karya Imas Rohilah; Galécok karya Moddi Madiana; Gantina karya Nila Karyani; Gupay Kalakay karya Ayi G. Sasmita; Hujan di Pajaratan karya Arif Abdilah; Keblukers karya Wahyu Heriyadi; Lapidin Jawara Subang karya Aan Ikhsan Gumelar; Layung Ngempur di Kampus Biru karya Dea Lugina; Mushap Beureum Ati karya Isur Suryati; Novel Pun Ihung karya Ihung; Partéy Salam Manis karya Tatang Sumarsono; Putri Sekar Arum karya Cucu Suhartini; Sagagang Simpé karya Dédén Abdul Aziz; Sasalad karya Dadan SutisnaSekar Gawir karya Sri Sussi Aries Lulupi; Runtagna Aléngka karya Yuharno Uyuh, jeung Tembang Kamelang karya Tatang Setiadi.

Novél Sasalad kungsi diguar ku para inohong sastera Sunda dina acara sawalamaya “Sasalad Jaman Wonéng: Permasalahan Pandemi di Priangan dalam Fiksi dan Fakta”, Jumaah, 9 Oktober 2020.

Ceuk Kang Cecep Burdansyah harita, novél Sasalad boga ciri jeung novél Sunda séjénna, nyokot bahan tina dongéng nu aya di masarakat. Umpamana, novél Munjung karyana Mohamad Ambri. Tapi novél ieu, masih aya dina wangun dialog. Narasina can mekar. Tah, dina novél Sasalad ieu, Dadan Sutisna sarua ngolah dongéng nu aya di masarakat di saban daérah. Tapi, ku Dadan mah plotna diwewegan. Dibéré déskripsi. Dongéng halimunan, umpamana, saolah-olah nyata. Tokohna asa karasa pisan.

AYO BACA: Produksi Bahan Baku Vaksin Covid-19 Ditargetkan Selesai Bulan Ini
AYO BACA: Tingkatkan Prokes, Satpol PP Purwakarta Menyisir Minimarket dan Ruas Jalan

Malah, ceuk Cecep, kaunggulan Dadan bisa nyiptakeun plot anu ngéntép, berlapis-lapis, malah zig-zag. Tapi, pikeun Kang Darpan mah plot zig-zag ieu jadi kalemahan novél  Sasalad. “Teknik plot zig-zag kieu, bisa ngalantarankeun nu maca teu sabar. Nu antukna aya terus dina uleukan éta,” ceuk Darpan.

Kaunggulan novél Dadan nu lian, ceuk Kang Cecep, nyaéta Dadan teu sieun maké kecap-kecap Sunda nu masih asing, jarang dipaké. Sigana kecap-kecap éta téh can aya dina kamus Sunda gé. “Diitung-iéung aya kana saratus leuwihna Dadan maké kecap asing. Barudak ayeuna tangtu moal apal.”

Sarua jeung Kang Cecep, Èndah Dinda Jenura sapuk kana kabeungharan kecap dina novél Sasalad. Malah lain ngan saukur kabeungharan kecap waé. Tapi, kabeungharan budaya ogé. Umpamana aya budaya suntik mayit sagala jsb. Ceuk Èndah, kabeungharan kecap jeung budaya éta jang nganteurkeun kisah cinta: Sutaya ka Andasih. Malah méméhna mah Èndah bingung ieu téh novél cinta atawa novél sajarah? Tapi, Èndah nyimpulkuen yén ieu novél cinta. Malah cinta nu jero pisan.

Mung Èndah manglebarkeun, hahalang kisah cinta Sutaya ka Andasih nu sakitu lobana, solusina ngan ukur ku cukup hahalangna dipaéhkeun. “Lebar, lebar, pisan,” ceuk Èndah.

AYO BACA: Pendaftaran Relawan Puskesmas di Jabar Capai 4.321 Orang
AYO BACA: Jangan Percaya Prediksi Gempa Sebutkan Detail Waktu, Begini Penjelasan Ahli

Daftar nu Meunang Hadiah Sastra Rancagé

  1. Sastera Sunda: Sasalad, novél karya Dadan Sutisna, Penerbit Dunia Pustaka Jaya, 2020
  2. Sastera Jawa, Sawiji Dina Sawiji Mangsa, Kumpulan Puisi karya Supali Kasim, Penerbit Rumah Pustaka, 2020
  3. Sastera Bali, Nglekadang Mémé, Kumpulan Carpon karya Komang Berata, Penerbit Pustaka Ekspresi, 2020
  4. Sastera Lampung, Dang Miwang Niku Ading, Kumpulan Puisi karya Elly Dharmawanti, Penerbit Pustaka Labrak, 2020
  5. Sastera Madura, Sagara Aeng Mata Ojan, Kumpulan Puisi karya Lukman Hakim AG, Penerbit Sulur Pustaka, 2020
  6. Nu Meunang Hadiah Samsudi 2021 jang carita barudak basa Sunda, Pelesir ka Basisir, karya Risnawati, Penerbit Dunia Pustaka Jaya, 2020.

Nu meunang Hadiah Sastera “Rancagé” jeung “Samsudi” 2021 bakal meunang panghargaan mangrupa piagam, piala, jeung duit Rp7.500.000,00.

   Ayo Bagikan!
Ayo Respon
   Komentar

Komentar sepenuhnya menjadi tanggung jawab pribadi seperti diatur dalam UU ITE

Komentar