Yamaha

Dongéng Nasruddin Hoja: Jumaahan Poé Kemis

  Jumat, 16 April 2021   Redaksi AyoBandung.Com
Ilustrasi Nasruddin Hoja.

NASRUDDIN Hoja boga hiji keledai. Ampun, keledai Nasruddin Hoja kacida ngedulna. Bororaah bisa lumpat tarik, lempang gé ngeteyep. Kumaha wé kéong.

Jarak nu ngan sakilometer perlu waktu mang jam-jam.

Hiji waktu, Nasruddin Hoja aya kaperluan—rék Juma’ahan. Masjidna rada anggang, di Bojong Emplod, di kampung sabelah.

Nasruddin geus saged. Numpak keledai kedulna najugjug ka Bojong Emplod.

Keteyep. Keteyep.

Di tengah jalan, Nasruddin panggih jeung babaturanna.

“Rék ka mana, euy, meni gaya?" baturna nanya.

“Ieu, rék Juma'ahan di Bojong Emplod,” jawab Nasruddin.

“Naha Juma’ahan? Pan ayeuna kakara gé poé Kemis? Isuk Juma'ahan mah.” Baturanna ngarasa heran.

“Enya, apal kuring gé,” ceuk Nasruddin, “tapi pan keledai kuring mah edun pisan lah. Lempangna ngeteyep. Siga kéong. Lamun isuk kuring nepi dina waktu Jumaahan, sakitu gé geus alhamdulillah.”

  Tags Terkait

   Ayo Bagikan!
Ayo Respon
   Komentar

Komentar sepenuhnya menjadi tanggung jawab pribadi seperti diatur dalam UU ITE

Komentar