Vidéo Doni Salmanan nu keur Ngabagi-bagi Duit Viral. Saha Doni Salmanan téh?

  Jumat, 16 Juli 2021   Redaksi Ayopurwakarta
Foto kolase Doni Salmanan [Instagram]

BANDUNG, AYOPURWAKARTA.COM -- Vidéo viral youtuber asal Soreang Kabupaten Bandung, Doni Salmanan, nu keur ngabagi-bagi duit di jalanan di Kota Bandung di-repost ku Wakil Bupati Kabupaten Bandung, Sahrul Gunawan.

Sahrul mostingkeun deui vidéona Kemis, 15 Juli 2021. Dina, catetanna, Wakil Bupati Sahrul nyebut ngarasa reueus ku tarékah youtuber Doni Salmanan nu paduli kana kaayaan pandemi ayeuna.

"Saya Wakil Bupati Bandung merasa bangga dengan warga yang peduli atas kondisi masyarakat di situasi pandemi. Ini juara, insya Alloh kita bisa jika masyarakat, pengusaha, dan seluruh stake holder ikut bersama-sama dengan pemerintah menghadapi situasi pandemi dan dampaknya ini," ceuk Sahrul Gunawan dina ig @sahrulgunawanofficial.

Vidéo nu di-repost Aa kasép Sahrul Gunawan téh atuh ditongton ku puluhan ribu jelema jeung meunang ratusan koméntar. Teu saeutik nu méré pujian ka Doni Salmanan. Tapi, loba ogé nu méré koméntar “nyelekit nyindiran” ka pamaréntah Kabupaten Bandung.

Umpamana koméntar @uji_lestari28 nu ménta Bupati jeung Wakil Bupati Bandung ngalakukeun hal nu sarua: "Mangga atuh disarengan ke Kang DS sareng Kang Arul ... Gaskeun supados langkung Bedas."

Koméntar lianna, nagih jangji pamaréntah: "dr pemerintah udah cair apa belum aa...," tulis @ssidik492; "Iraha atuh ti pamaréntahna, Pa?" ceuk @alwi_shhb69.

Kuduna pamaréntah ulah éléh ku masarakat umum. @aalakban9 nulis:  "mangga atuh ah da ku warga tos dicontokeun, Pa. Piraku éléh ku warga?"

Loba ogé nu mihareup pajabat di lingkungan pamaréntah Kabupaten Bandung ngalakukeun hal nu sarua. Koméntar séjénna mihareup Doni Salmanan ngabagikeun duit di wilayah Kabupaten Bandung.

Saha Doni Salmanan téh?
Salain ngabagikeun duit ka masarakat, sababaraha minggu kaléwat, Doni Salmanan viral nyawér ka youtuber Reza Arap nu keur live néangan donasi jang masarakat nu kadampak pandemi. Teu kagok, duit sawéran ti Doni Rp1 miliar!

Penasaran ka Doni Salmanan téh saha? Ieu sababaraha catetan dirangkum ku redaksi.

  1. Doni Salmanan sok nyebut dirina King Salman. Manéhna boga hobi ngoléksi motor gedé (mogé) nu kakara kaluar ti  pabrik.
  2. Sanajan loba duit, Doni Salmanan teu éra nginum bandrek sisi jalan.
  3. Hiji waktu manéhna nyobaan maén golf, Doni Salmanan nyebut, tingali tukang macul maén golf.
  4. Sopan, daréhdéh, soméah, jeung handap asor. Sikep kitu, cenah, amanah ti bapana.
  5. Lian ti resep mogé anyar, Doni Salmanan ogé resep ngoleksi motor hebel!
  6. Kasuksésan Doni Salmanan teu ujug-ujug. Manéhna ngarintis karirna ti handap. Teu langsung boga mobil méwah, Doni Salmanan saméméhna miboga mobil biasa siga batur.
  7. Ti keur leutik, Doni Salmanan resep ulin di “alam terbuka”.

  Tags Terkait

   Ayo Bagikan!
Ayo Respon
   Komentar

Komentar sepenuhnya menjadi tanggung jawab pribadi seperti diatur dalam UU ITE

Komentar